Եկեղեցիների համաշխարհային խորհուրդը պատրաստվում է 2015 թ. ճանաչել Հայոց ցեղասպանությունը. Թուրքիան խուճապի մեջ է

galatv.am-ը գրում է.
Եկեղեցիների համաշխարհային խորհուրդը /ԵՀԽ/ պատրաստվում է 2015 թ. ապրիլի 24-ին ճանաչել Հայոց ցեղասպանությունը: Այս մասին հայտարարությամբ է հանդես եկել այսպես կոչված «Հայերի անհիմն պնդումների դեմ պայքարի միություն» «ASIMDER» կազմակերպության նախագահ Գյոքսել Գյուլբեյը, ով զբաղվում է Հայոց ցեղասպանության ճանաչման դեմ պայքարով:

Հակահայկական կազմակերպության նախագահը խուճապահար նկատել է, որ Հայոց ցեղասպանության ճանաչման համար ողջ աշխարհով մեկ եկեղեցիները միավորվել են ընդդեմ Թուրքիայի, եւ օգտագործելով կրոնը, պատրաստվում են նրա վրա ճնշում գործադրել:

«2015 թ.-ին` Հայոց ցեղասպանության 100-ամյակին, նրանք մտադրված են Ժնևում Եկեղեցիների միջազգային WCC կազմակերպության, իրավապաշտպանների, փաստաբանների մասնակցությամբ միջազգային կոնֆերանս կազմակերպել` Թուրքիայից փոխհատուցում պահանջելու համար: Կոնֆերանսի ժամանակ նաև Հայոց ցեղասպանության զոհերի հիշատակին աղոթքներ կհնչեցվեն»:

Գյոքսել Գյուլբեյը նաև հայտարարել է, որ Թուրքիայի ու Ադրբեջանի եկեղեցիները ևս հանդիսանում են WCC-ի անդամ ու կմասնակցեն վերոնշյալ կոնֆերանսին:

Տաթև Ֆռանգյան

0

0