Previous Story
Եղեգիսի համայնքապետը հանձնարարել է շտապ մաքրել աղբից պատմական ավերակները
Posted On 27 Mar 2018
Comment: 0
Այսօր՝ մարտի 27-ին, հնագետ, «Մետաքսի ճանապարհ. Հայաստան» գիտական ծրագրի համաղեկավար Համլետ Պետրոսյանը ֆեյսբուքյան իր էջում ահազանգել էր, որ Վայոց ձորի մարզի Եղեգիս խոշորացված համայնքիտարածքում գտնվող Եղեգիս պատմական գյուղաքաղաքի ավերակները վերածվել են աղբանոցի:
Տարածքային կառավարման և զարգացման նախարարությունից մեզ տեղեկացրին, որ Եղեգիս խոշորացված համայնքի այդ հատվածում ընդհանուր աղբավայր ստեղծելու որևէ նախագիծ չի եղել, նախարարության կողմից նախատեսվում է որոշ խոշորացված համայնքներում աղբավայրեր ստեղծել, սակայն Եղեգիս համայնքը դրանց շարքում չէ:
Yerkirmedia.am-ի հետ զրույցում Եղեգիս համայնքի ղեկավար Արթուր Ստեփանյանը հայտնեց, որ այսօր եղել է ահազանգում նշված վայրում եւ հանձնարարել է շտապ մաքրել տարածքը։
Նա տեղեկացրեց նաեւ, որ տվյալ տարածքն իրենց հաշվեկշռում նշված է որպես արոտավայր։
Լուսանկարը՝ Համլետ Պետրոսյանի ֆեյսբուքյան էջից։
Հեղինակ՝
Հայկ Սահակյան
