ԲԱՑ ՆԱՄԱԿ ՀԱՅԱՍՏԱՆ-ԻՆ

Արդեն ժամանակն է, որպեսզի Հայաստան համահայկական հիմնադրամն սկսի հրատարակել հայագիտական հիմնարար աշխատությունները։

Հեղինակները տարիների անձնազոհ տքնանքով ստեղծում են մեր ազգի համար կենսական նշանակություն ունեցող աշխատություններ, սակայն միջոցների բացակայության պատճառով չեն կարողանում դրանք հասցնել աշխարհի գիտական շրջանակների ականջին։

Դրա հետևանքով նրանք շարունակում են շրջանառության մեջ պահել հայերիս մասին մաշված ու կեղծված տեղեկությունները։

Հիմնադրամի հարգարժան պատասխանատուներ, իհարկե, ճանապարհներն ու մնացած կառույցները հրատապ են, սակայն ժամանակն է հասկանալու, որ արևի տակ տեղ ունենալու համար պարտադիր են նաև հոգևոր արժեքները։

Վերաձևեք ձեր ծրագրերը, նոր գումարներ հայթայթեք և սկսեք հրատարակչական գործունեությունը։

Դրա համար դուք միայն օրհնանքի կարժանանաք, ըստ որում նաև գալիք սերունդների շուրթերով։

Հրաչուհի Փալանդուզյան,1.09.2017թ., Վաղարշապատ

+2

0