Քանդակի մրցույթ՝ Թումանյանի 150-ամյակին ընդառաջ

Հովհաննես Թումանյանի 150-ամյա հոբելյանին ընդառաջ Մշակույթի նախարարությունը կազմակերպում է քանդակի սիմպոզիում, որը բանաստեղծի ծննդավայրում՝ Դսեղում կանցկացվի 2017 թվականի ապրիլ-մայիս ամիսներին:

Սիմպոզիումին կմասնակցի 20 քանդակագործ: Յուրաքանչյուրին կտրամադրվի տուֆի մեկ կտոր (տուֆ 2x1x1 մ/խորանարդ չափսով):

Թեմա՝ Հովհ. Թումանյանի ստեղծագործությունների հերոսներ, թումանյանական գրականություն: Ավարտուն քանդակները կտեղադրվեն Դսեղում:

Սիմպոզիումի ավարտից հետո մրցույթի առաջին երեք տեղերը զբաղեցնող ստեղծագործությունների հեղինակները կպարգևատրվեն դրամական մրցանակներով՝

◆ 1-ին տեղ` 500.000 դրամ, 
◆ 2-րդ տեղ` 400.000 դրամ, 
◆ 3-րդ տեղ` 300.000 դրամ:

Կեցության, սննդի և ստեղծագործության նյութի հարցերը հոգում է կազմակերպող կողմը: Անհրաժեշտ բոլոր գործիքները բերում է քանդակագործը:

Սիմպոզիումին կարող են մասնակցել մինչև 35 տարեկան երիտասարդներ: Մասնակցության հայտը պետք է ուղարկել մինչև 2017 թվականի ապրիլի 15-ը՝ museums.armenia@gmail.com էլ. հասցեով:

Մրցույթի մասնակցության հայտի անհրաժեշտ հավելվածներ՝ 
1. Հայտ 
2. Ստեղծագործության էսքիզ (մի քանի կողմից) 
3. Քանդակագործի ինքնակենսագրություն (կցել լուսանկար) 
4. Աշխատանքային պորտֆոլիո

Հայտերի ուսումնասիրության արդյունքում ժյուրիի գնահատմամբ ընտրված մասնակիցները պաշտոնական հրավեր կստանան մինչև ապրիլի 20-ը:

ՀՀ մշակույթի նախարարություն/ Ministry of Culture of the Republic of Armenia

0

0