Մեր սերունդը հայ թատրոնի մեծերին լիարժեք ճանաչելու հնարավորություն չունի

Հարցազրույց Գյումրու տիկնիկային թատրոնի գեղարվեստական ղեկավար և տնօրեն Լևոն Բաղդասարյանի հետ

Այսօրվա հեռուստաալիքները ողողված են մեծ մասամբ անհետաքրքիր ու անիմաստ հեռուստահաղորդումներով և անորակ նախագծերով, որոնք հիմնականում ապականում են մեր երիտասարդությանը` մղելով դեպի հեռավոր անդունդ։ ներկայիս սպորտի ու մտավորականության մասին զրուցեցինք Գյումրու տիկնիկային թատրոնի գեղարվեստական ղեկավար և տնօրեն Լևոն Բաղդասարյանի հետ:

-Մի քանի խոսքով կպատմեք թատրոնի մասին:

-1935 թ. Մայիսի 26-ին ՀՍՍՀ Լենինական (ներկայիս  ՀՀ Գյումրի) քաղաքում մեծ շուքով նշվում է Հայաստանի տիկնիկների առաջին թատրոնի բացումը:

 Հիմնադիրն էր ՍՍՀՄ մշակութային գործիչ  Հասմիկ Գյոզալյանը , որը 30-ական թթ. սկզբին Մոսկվայից գալիս է իր հայրենի քաղաքը՝ Լենինական և հիմնադրում այս թատրոնը: Հասմիկ Գյոզալյանը որպես հիմնադիր կազմ ընտրում է Լենինականի դրամատիկ թատրոնի թատերախմբից:

Երկրորդ աշխարհամարտի սկզբին՝ 1941թ_ին <<Մոսաները լռում են>> թատրոնը նույնպես:

1946թ_ին վերաբացվում է Թիֆլիսից Լենինականի դրամատիկական թատրոն տեղափոխված Ստեփան Ալիխանյանի ջանքերով , որն էլ անձամբ ղեկավարում է մինչև իր մահկանացուն կնքելը՝1972թ. : Ուստի 1992թ_ին , երբ թատրոնի ղեկավարությունը ստանձնեց Լևոն Բաղդասարյանը՝ Ձեր խոնարհ ծառան, Գյումրիի պետական տիկնիկային թատրոնը վերանվանվեց Ստեփան Ալիխանյանի անվան տիկնիկային թատրոն :

Այսօր թատրոնն արդեն 80 գումարած  երկու տարեկան է, և զբաղվում է ոչ միայն Գյումրի քաղաքի , այլև ամբողջ Շիրակի մարզի մանուկ հանդիսատեսի բարոյա_գեղագիտական դաստիարակության խնդիրներով, այդ տարիների ընդացքում ստեղծելով ավելի քան 400 որ բեմադրություններ սպասարկելով շուրջ մեկ միլիոն հանդիսատեսի:

Թատրոնն այսօր իր խաղացանկում ունի 22 անուն բեմադրություն, որոնք  ինչպես տեղի դրամատուրգների , այնպես էլ համաշխարհային հեքիաթագիրների հանրահայտ ստեղծագործություններ են:

– Մշակույթը ներկայացնում է տվյալ ժողովրդի դիմագիծը, կարո՞ղ ենք այսօր պարծենալ մեր մշակույթով:

–Ցավոք այսօր մենք չենք կարող պարծենալ մեր մշակույթով , քանի որ այն ներկայացնում է ներկայիս Հայաստանի Հանրապետության ութսուն տոկոսի դիմագիծը (ռաբիզ):

-Ըստ  ձեզ`ինչպիսին է մերօրյա սերունդն,որը մեր երկրի վաղվա տերն է դառնալու:

– Ներկայիս մերօրյա սերունդը ձգտող է, պրպտող,նախաձեռնող, սակայն մեր երկրում լիարժեք դրսևորվել չի կարող, ուստի մեր երկրի վաղվա տերը ինքը չի լինելու: Մեր երկրի վաղվա տերերը լինելու են ներկայիս իշխանական բուրգի ժառանգները:

-Իսկ որքա՞ն հաճախակի եք բեմադրում ներկայացումներ ու ինչպիսի բնույթ են դրանք կրում

-Տարեկան բեմադրում ենք 3-4  նորբեմադրություն և դրանք խաղացվում են յուրաքանչյունրը առնվազն 50 անգամ:

– Ինչպե՞ս եք կատարում ձեր սաների ընտրությունը

-Աշխատակիցներն ընտրվում են ըստ մասնագիտական կրթության , բայց անպայման  բանատուր շնորքի առկայության դեպքում: Կա նաև լրացուցիչ  պայման. տիկնիկավար դերասանի  հասակը  չպիտի գերազանցի 1մ. 70սմ-ը, որպեսզի գլուխը չերևա:

–Ի՞նչ կպատմեք ձեր մոտ գործող խմբակների ու նրանց կարգավիճակի մասին

-Թատրոնում պարբերաբար գործում է տիկնիկավարության ուսուցման ստուդիա , քանի որ Թատերական ինստիտուտի Գյումրիի մասնաճյուղը չունի տիկնիկային թատրոնի դերասանի ֆակոիլտետ:

-Ձեր կարծիքով ինչպիսի՞ նախադրյալներ են հարկավոր զարգացնելու տիկնիկային թատրոնի արվեստը Հայաստանում

-Տիկնիկային թատերարվեստը Հայաստանում զարգացնելու համար պիտի կառուցվեն  տիկնիկային թատերարվեստին համապատասխան  շենք-շինություններ և լիարժեք ֆինանսավորեն տիկնիկային պեմադրությունները:

-Ինչպիսի՞ հատկություններով պետք է օժտված լինի իսկական տիկնիկային թատրոնի  մասնագետը (դերասանը)

-Տիկնիկային թատրոնի մասնագետը պիտի լինի  խիստ անմիջական , զգացմունքային և ֆիզիկապես դիմացկուն անձնավորություն:

-Արդյոք մեր սերունդը լավ է ճանաչում հայ թատրոնի մեծերին

-Այսօր հայ թատրոնի մեծերը  ավելի քիչ են պրոպագանդվում , քան շոու-բիզնեսի այսպես ասած <<աստղերը>> , ուստի մեր սերունդը չունի հնարավորություն հայ թատրոնի մեծերին  լիարժեք ճանաչելու համար:

-Ունե՞ք անձնական ծրագրեր որ չեք հասցրել իրագործել 

– Անձնական ծրագրերը  ընթացքի մեջ են , տեսնենք Աստծո կամոք երբ են իրականացնելու:

-Որքան հաճախակի եք մեկնում հյուրախաղերի

-Ավելի շատ շրջագայական ներկայացումներով ենք հանդես գալիս, քան հյուրախաղային , քանի որ վերջինս առանց հովանավորների անհնար է իրականացնել:

-Հիմնականում որ թատրոնների հետը եք համագործակցում

Հիմնականում համագործակցում ենք մայրաքաղաքային և Արցախի տիկնիկային թատրոնների հետ, ինչպես նաև մասնակցում ենք ամենամյա տիկնիկային թատրոնների միջազգային փառատոնին , որը կազմակերպում է ՝ ՅՈՒՆԻՄԱ ՀԱՅԱՍՏԱՆԸ:

-Ո՞րն է Ձեր խրատը կամ խորհուրդն այսօրվա երատասարդությանն ու սկսնակ դերասաններին

-Այսօրվա երիտասարդությանն ու սկսնակ դերասաններին խորհուրդ կտայի շատ կարդալ և քիչ հրապուրվել <<աստղերով>>

Գարիկ Ավետիսյան

+1

0