ԲԱՂԱԴՐԱՏՈՄՍԵՐ ԿՈՐԵԿՈՎ՝ ՀԻՊԵՐՏՈՆԻԱՅԻ, ՈւՌՈւՑՔՆԵՐԻ, ՇԱՔԱՐԱՅԻՆ ԴԻԱԲԵՏԻ, ԱՐԹՐԻՏԻ,ԼԵՂԱՊԱՐԿԻ, ԵՐԻԿԱՄՆԵՐԻ, ՄԻԶՈւՂԻՆԵՐԻ ՀԻՎԱՆԴՈւԹՅՈւՆՆԵՐԻ ԴԵՄ

Կորեկ սովորականը (Panicum miliaceum) հացազգիների ընտանիքին պատկանող միամյա խոտաբույս է։ Պարունակում է 2-4% ճարպ, 10-14% սպիտակուց, 55-65% օսլա,մոտ 8% բջջանք։ Կորեկը պարունակում է զգալի քանակությամբ՝ մարդու օրգանիզմում չփոխանակվող տրեոնին, վալին, լեյցին, լիզին, գիստիդին ու փոխանակվող պրոլին, գլուտամինաթթու, այլ։
Պարունակում է վիտամիններ՝ B1, B2, բիոտին, պիրիդոքսին, պանտոտենաթթու, նիացինի և ֆոլիաթթվի պարունակությամբ գերազանցում է այլ ձավարեղենին։ Կորեկը պարունակում է մարդու օրգանիզմին անհրաժեշտ գրեթե բոլոր մակրո- ու միկրոտարրերը.
-Ինսուլինի ազդեցությունը խթանող վանադիում
-Հանքանյութերի յուրացմանը նպաստող բոռ
-Հյուսվածքների ճկունությունը բարձրացնող սիլիցիում
-Հանքային համակարգի գործունեությունը կարգավորող մանգանեղ ու ռուբիդիում:
Արյունաստեղծ միկրոտարրեր՝ պղինձ, կոբալտ ու երկաթ:
Երիկամների ու լեղապարկի աշխատանքը կարգավորող մագնեզիում, օրգանիզմի բոլոր բջիջներին ու հատկապես անհրաժեշտ սելեն։ Բավարար քանակի ֆոսֆոր, նիկել, քրոմ, կալիում: Կորեկի պահպանման ժամկետը 8-12 ամիս է, պահպանման ժամանակ մակերեսի վրա առաջանում է ճարպի օքսիդի շերտ, հատիկը դառնահամ է դառնում և ոչ պիտանի։
Կորեկաձավարի շիլան կարգավորում է արյան շրջանառությունը, սրտանոթային համակարգի և լյարդի աշխատանքը, նյութափոխանակությունը, ամրացնում է ոսկորները, ատամները, եղունգները, օգնում է հաղթահարել հոգնածությունը, դեպրեսիան և անքնությունը, նպաստում է ճարպերի այրմանը, թույների, աղային նստվածքների տրոհմանը և հեռացմանն օրգանիզմից։ Կորեկաձավարում պարունակվող ճարպը լիովին յուրացվում է օրգանիզմում, չի պարունակում խոլեստերին, նպաստում է կարոտինի և D վիտամինի յուրացմանը։ Խորհուրդ է տրվում շաքարային դիաբետի, ալերգիայի, ենթաստամոքսային գեղձի հիվանդությունների, ընդհանուր թուլության դեպքում, շիլան նպաստում է հակամանրէ դեղերի տրոհման հետևանքով առաջացած նյութերի հեռացմանը։
Ավիցենան գրել է.«Կորեկը նվազ սննդարար է, քան այլ հացազգի բույսերը, սակայն, եթե կորեկը եփեն կաթի մեջ` ցորենի թեփի հետ համատեղ, ապա կստացվի շատ սննդարար կերակուր, հատկապես, եթե ուտեն հալեցրած կարագի («արդար» յուղ) կամ նուշի հետ։ Կորեկը կամ դրանից պատրաստված հացը դանդաղ է մարսվում ստամոքսում, ունի միզամուղ հատկություն, կորեկի խաշած զանգվածը կօգնի աղիների սուր ցավի դեպքում (արտաքին)»։

ԲԱՂԱԴՐԱՏՈՄՍԵՐ

Երիկամների, միզածորանի, միզապարկի բորբոքում. Երեք լիտր տարողությամբ տարայի կեսը լցնել կորեկով, մնացածը եռջրով, 24 ժամ թրմել տաք տեղում, ընթացքում մի քանի անգամ խառնել:Խմել 1 օրվա ընթացքում: Քամել քնելուց առաջ:Շարունակել 7 օր: 
*Հիպերտոնիա. 3 ճ/գ կորեկաձավարը լվացեք հոսող ջրի տակ, չորացրեք, լավ մանրացրեք հավանգով։ Կերեք 1-ական թ/գ` օրը 6-8 անգամ, առանց ջրի։ Շարունակեք մեկ ամիս։ Հայտնի են դեպքեր, երբ ճնշումը կայունանում է 5 օրից։
Մանրացրած կորեկը չի կարելի պահել մեկ օրից ավելի։
– 3 ճ/գ կորեկաձավարը 4 ժամ թրմեք 500 մլ եռջրում, քամեք։ Խմեք օրվա ընթացքում։
*Ուռուցքներ. Խառնեք 1-ական ճ/գ կորեկաձավար և կորեկի բույսի ցողունիկ, ավելացրեք 400 մլ ջուր, դրեք կրակին` հասցրեք եռման ջերմաստիճանի, եփեք 15 րոպե։ 1 ժամ թրմեք ջերմապահում, քամեք։ Խմեք 100-ական մլ` օրը 3 անգամ։
*Շաքարային դիաբետ. Կերեք 1-ական թ/գ կորեկի ալյուր` օրը 4 անգամ, կատարեք 7 օրը մեկ։
*Լեղուղիների խցանում, լեղու խտացում. Կորեկաձավարը եփեք մինչև կիսահում վիճակի հասնի, փաթաթեք լաթով, թրմեք 2 ժամ։ Կերեք 3-ական ճ/գ` օրը 3 անգամ, կրկնեք 1 շաբաթից։
*Ցիստիտ. 100 գ կորեկաձավարը լվացեք սառը ջրով, ավելացրեք 200 մլ ջուր, խառնեք փայտե գդալով` մինչև ջուրը ստանա պղտոր սպիտակավուն երանգ, քամեք։ 100 մլ թուրմը բավարար է սուր ցավը հանգստացնելու համար։
– Հիվանդության քրոնիկ ընթացքի դեպքում 100 գ կորեկաձավարը 10 ժամ թրմեք 400 մլ ջրում։ Խմեք 100-ական մլ` օրը 4 անգամ, շարունակեք 20 օր։ Քամեք խմելուց առաջ։
-Կորեկի 2ճ/գ հատիկը լցնել 200մլ եռջրի մեջ 2 րոպե եփել, ընթացքում խառնել փայտե գդալով, 1-2 րոպե թրմել ու անմիջապես քամել: Խմել հետեւյալ կերպ. առաջին օրը 1-ական ճ/գ ժամը մեկ: Երկրորդ օրը՝ 3-ական ճ/գ ժամը մեկ: Երրորդ օրից 100-ական մլ ՝ օրը 3 անգամ ուտելուց առաջ: Բուժման տեւողությունը 7 օր է, կարելի է կրկնել 7 օրից:
*Սպիտակուցի բարձր պարունակություն մեզի մեջ. 50 գ կորեկաձավարը 4 ժամ թրմեք ջերմապահում` 500 մլ եռջրում, քամեք։ Խմեք 100-ական մլ` օրը 5 անգամ։
Շիլա. 300 գ կորեկաձավարը թրջեք սառը ջրում, ավելացրեք 800 մլ տաք ջուր, 10 րոպե եփեք։ Փակ կաթսան փաթաթեք սրբիչով, կես ժամից խառնեք 3 մանր կտրատած խնձոր, 4-ական ճ/գ գազարի քերուկ, կարագ և մեղր։ Կերեք տաք վիճակում։
Խորհուրդ է տրվում արթրիտի, օստեոխոնդրոզի պարագայում։

Հ.Գ. Լույս են տեսել հեղինակի «Մոգական բուժարարներ» մատենաշարի թվով 4 գրքույկները: Հիշեցնենք, որ վաճառքում է նաև հեղինակի «Պահապան ծառերի բուժիչ զորությունը» գիրքը: Հեղինակի բոլոր գրքերը կարող եք ձեռք բերել «Նոյյան տապան», «Բուկինիստ» և «Արտ Բրիջ» (Աբովյան 20) գրախանութներից:

ՀԵՂԻՆԱԿ. ՋՈւԼԻԵՏԱ ՍԱՀԱԿՅԱՆ

0

0