Այսօր իրենց ծննդյան տոնը նշեցին ու շարունակում են նշել իմ մտերիմ ընկերներ ԱԻԴԱ ՆԵՐՍԻՍՅԱՆԸ, ԴԱՎԻԹ ՄԿՐ. ՍԱՐԳՍՅԱՆԸ եւ ՎՐԵԺ ՍԱՐՈՒԽԱՆՅԱՆԸ

Posted On 06 Oct 2016

Այսօր իրենց ծննդյան տոնը նշեցին ու շարունակում են նշել իմ մտերիմ ընկերներ ԱԻԴԱ ՆԵՐՍԻՍՅԱՆԸ, ԴԱՎԻԹ ՄԿՐ. ՍԱՐԳՍՅԱՆԸ եւ ՎՐԵԺ ՍԱՐՈՒԽԱՆՅԱՆԸ
Շատ դժվար է մտերիմներին առանձնացնել, յուրաքանչյուրի համար բնորոշ բառ գտնել – բայց որովհետեւ երեքն էլ սրտակից են, ու համարյա թե նույն բառերով պիտի գովաբանեի, Ֆելիքս Պետրոսյանի պոեզիան քրքրեցի… Ֆելիքսը փրկեց.
«Ես քեզ փնտրեցի խաչուղիներում
ու խառնաշփոթ ոլորաններում փնտրեցի երկար
Եվ երբ, հուսահատ, կանգնեցի մի պահ՝
Նայելու թողած ոտնահետքերիս –
Տեսա քեզ կողքիս՝ մտախոհ ու լուռ:
Եվ քո ոտքերին իմ ճամփի փոշին
Ու քո աչքերում մի կապույտ կարոտ նկատեցի ես,
Իսկ դու, հայացքս սուզելով հեռվում
Լեռներին հալվող մթնշաղի մեջ,
Շշնջացիր ինձ.
-Քեզ ուղեկցեցի, որ ինձ փնտրելիս
Մենակ չլինես»:

Հ.Գ. Շնորհավոր, սիրելի, սրտակից ընկերներ: Քիչ խմեք ու հաճախ հիշեք միմյանց:

Հովհաննես Պապիկյանի ֆեյսբուքյան գրառումից