ՀԱՆԳՍՏԱՑՆՈՂ ԸՄՊԵԼԻՔՆԵՐ ԱՆՔՆՈւԹՅԱՆ ԴԵՄ

Բալը պարունակում է ,,քնի,, հորմոն մելատոնին, որը գոյանում է մարդու ու կենդանիների կոնաձև գեղձում ու նաև բույսերում: Խորհուրդ է տրվում խմել բալի 100-ական մլ թարմ հյութ՝ առավոտյան ու քնելուց 90 րոպե առաջ:
Կաթը պարունակում է օրգանիզմում չգոյացող ամինաթթու՝ տրիպտոֆան, որը մասնակցում է մելատոնինի գոյացմանը և կալցիում, որը նպաստում է տրիպտոֆանի յուրացմանը.
-200մլ տաք կաթի մեջ լուծել 1ճ.գ. մեղր ու կես գրամ մշկընկույզի փոշի: Խմել փոքր կումերով, քնելուց 30 րոպե առաջ: 
Կարևոր է իմանալ, որ մեղրը նպաստում է տրիպտոֆանի փոխակերպմանը մելատոնինի: 
Մշկընկույզի առավելագույն քանակը 1 գրամ է, չարաշահելու դեպքում կառաջանա առիթմիա:
Հավկիթը նույնպես մելատոնինի մատակարար է.
-150մլ տաք կաթի մեջ լուծել 1 հավկիթի դեղնուց, 1ճ.գ. մեղր և կես ճ.գ. ռոմ: Խմել քնելուց առաջ, փոքր կումերով:
Մանրացնել, խառնել 1-ական թեյի գդալ, նարդոսի և երիցուկի չոր ծաղիկներ, 15 րոպե թրմել 100մլ եռջրում, քամել, ավելացնել 100մլ տաք կաթ ու 1 ճ.գ. մեղր: 
Խմել փոքր կումերով քնելուց առաջ:
Երիցուկն ունի հանգստացնող ազդեցություն, իսկ նարդոսը կարգավորում է նյարդային համակարգի աշխատանքն ու հանում է տագնապի վիճակը: 

Հ.Գ. Լույս են տեսել հեղինակի «Մոգական բուժարարներ» մատենաշարի թվով 4 գրքույկները: Հիշեցնենք, որ վաճառքում է նաև հեղինակի «Պահապան ծառերի բուժիչ զորությունը» գիրքը: Հեղինակի բոլոր գրքերը կարող եք ձեռք բերել «Նոյյան տապան», «Բուկինիստ», «Նոր գիրք» և «Արտ Բրիջ» (Աբովյան 20) գրախանութներից: 

ՀԵՂԻՆԱԿ. ՋՈւԼԻԵՏԱ ՍԱՀԱԿՅԱՆ

0

0