ԲԱԶՈւԿԻ ՋՐԻ ՀԱԿԱՈւՌՈւՑՔԱՅԻՆ ԱԶԴԵՑՈւԹՅԱՆ ՄԱՍԻՆ

Հարյուր գրամ բազուկը պարունակում է 129մգ բետաին, որն օրգանիզմին անհրաժեշտ 1 օրվա պահանջարկի 13%-ն է, բույսերում, հազվադեպ հանդիպող մետիլմետիոնին սուլֆոնիում (վիտամին U) -7.3%, որը կոչվում է նաև հակախոցային վիտամին: 
Բազուկը պարունակում է գլիկոզիդ պրոտոդիոսցին, որն օրգանիզմում փոխակերպվում է «երիտասարդացնող հորմոն» կոչվող էպիանդրոստերոնի: Այս հորմոնը պահպանում է բջիջների թաղանթը, բարձրացնում է տեստոստերոնի մակարդակն ու օրգանիզմի դիմադրողականությունը:
Բազուկի հյութը զտելուց հետո առաջացող պինդ զանգվածի 100 գրամը պարունակում է մոտ 46մգ գալաթթու, 26մգ ռուտինային ակտիվություն ունեցող ֆլավոններ,բետալաինի դասին պատկանող բետանին 409մգ և վուլգաքսանտին-732մգ:
Բոլոր վերոգրյալ նյութերն ունեն հակաուռուցքային ազդեցություն, սակայն հատկապես կարևոր են վերջին երկուսը:
ԲԱԶՈւԿԻ ՀՅՈւԹԸ լայն կիրառում ունի աղեստամոքսային համակարգի օնկոլոգիական հիվանդությունների համալիր բուժման ընթացքում, սակայն կա հետազոտություն (1996թ.), որի հեղինակները կարծում են, որ բազուկի հյութն օգտակար է նաև այլ օրգանների քաղցկեղի դեպքում: Հետազոտողների մի այլ խումբ 2011թ.-ին հայտնաբերել է, որ բազուկի ջուրն առաջացնում է կրծքագեղձի, լյարդի, մաշկի, թոքերի քաղցկեղի՝ բջիջների ծրագրավորված մահ (ապոպտոզ): 
ԲԱՂԱԴՐԱՏՈՄՍ: Բազուկը լվանալ, կեղևահարել, մանր կտրատել, 300գ հումքը լցնել1լ տաք ջրի մեջ, 2 ժամ թրմել, քամել խմելուց առաջ: Խմել օրվա ընթացքում:

Հ.Գ. Լույս են տեսել հեղինակի «Մոգական բուժարարներ» մատենաշարի թվով 4 գրքույկները: Հիշեցնենք, որ վաճառքում է նաև հեղինակի «Պահապան ծառերի բուժիչ զորությունը» գիրքը: Հեղինակի բոլոր գրքերը կարող եք ձեռք բերել «Նոյյան տապան», «Բուկինիստ», «Նոր գիրք» և «Արտ Բրիջ» (Աբովյան 20) գրախանութներից: 

ՀԵՂԻՆԱԿ. ՋՈւԼԻԵՏԱ ՍԱՀԱԿՅԱՆ

0

0