ԱՇԽԱՏԱՆՔ ԵՐԻՏԱՍԱՐԴ ՄԱՆՐԱՆԿԱՐԻՉՆԵՐԻ ՀԱՄԱՐ

Հրավիրում ենք երիտասարդ մանրանկարիչներին համագործակցելու ՀԻՄՆԱԴՐԱՄԻ կողմից նախագծված մշակութային նոր ապրանքատեսակների ստեղծման ուղղությամբ, ինչը նախատեսված է «Հայոց այբուբեն» մշակութաբանական նախագծով:
Հիմնադրամի կողմից առաջարկվող ուղղությունները հետևյալն են.

ա/ հայոց այբուբենի մանրանկարների գունավորում
բ/ հայոց այբուբենի հավաքածուների ստեղծում և գունավորում
գ/ հեղինակային և համատեղ աշխատանքների ստեղծում՝ միջնադարյան հայկական մանրանկարչությանը նվիրված ցուցահանդեսների կազմակերպման նպատակով (անհատական, համահեղինակային):

Մշակութային համագործակցության նախնական և պարտադիր փուլն է մեկ փորձնական նմուշի ստեղծումը: Հեղինակներին էլեկտրոնային կարգով տրամադրվում են բոլոր անհրաժեշտ նյութերը (մանրանկարի գծապատկեր, մանրանկարի գունավոր օրինակ և այլն):
Ցանկացողները հիմնադրամի armenian-miniature@mail.ru էլեկտրոնային հասցեին պետք է փոխանցեն իրենց մասին տեղեկություններ (կրթություն,ստեղծագործական գործունեություն,մի քանի աշխատանքներ):
Հիմնադրամի հետ գործնական նամակագրության լեզուն հայերենն է (այդ թվում և այս էջով իրականացվող նամակագրությունը): Հիմնադրամին փոխանցվող օտարատառ բոլոր դիմումները կմնան անպատասխան:
Մշակութային համագործակցության ձևավորման դեպքում կնքվում են նաև երկարատև համագործակցության պայմանագրեր:
Մանրամասների համար կարող եք զանգահարել 077 65 75 11, 091 79 77 21 հեռախոսահամարներով:

Հայկական մանրանկարչության կենտրոն

+1

0