Հրաչուհի Փալանդուզյան. Գործածական բառացանկ 83

Սկիզբը` նախորդիվ

83.
ցինիզմ – լկտիություն, լպիրշություն, ամբարտավանություն
ցինիկ – լկտի, շնաբարո
ցիստեռն – հեղուկատար
ցիստիտ – միզապարկաբորբ
ցիվիլ – քաղաքակիրթ, բարեկիրթ
ցիվիլիզացիա – քաղաքակրթություն
ցիտատ – մեջբերում, քաղվածք
ցիտոլոգ – բջջաբան
ցիտրուս – կիտրոնազգի
ցիրկ – կրկես
ցիրկուլ – կարկին
ցիրկուլյացիա – շրջապտույտ, շրջանառություն
ցիֆերբլատ – թվատախտակ
ցիֆր – թիվ, թվանշան
ցուգցվանգ – պարտության քայլ
ցուկատ – շաքարաչիր
ցունամի – ցնցալիք (ցնցումից՝ երկրաշարժից առաջացող ալիք)

     Ու
ուգար – շմոլք, գազաթունավորում
ուդար – հարված, զարկ
ուզոր – նախշ, զարդանախշ, զարդանկար, բանվածք
ուզուրպատոր – խռովարար, զավթիչ, ինքնակալ
ուժաս – սարսափ, վախ, ահ, սահմռկում  
ուժին – ընթրիք
ուլիկա – հանցանշան, փաստանշան
ուլտիմատում – վերջնագիր, վերջնապահանջ
ուլտրա – 1. գեր (օրինակ՝ գերկարճ ալիք), 2. ծայրահեղ
ուկազ – հրամանագիր
ուկոլ – ներարկում, սրսկում
ույուտ – կոկիկ, հարմարավետ, բարեհարմար
ունիկալ – եզակի, աննման, աննախադեպ
ունիվերմագ – հանրախանութ
ունիվերսալ – բազմունակ, համապարփակ, համապիտանի, բազմակողմանի
ունիվերսիտետ – համալսարան
ուչյոտ – հաշվառում
ուպրյոկ – նախատինք, հանդիմանանք, կշտամբանք
ուսպեխ – հաջողություն, նվաճում, ձեռքբերում
ուստավ – կանոնադրություն
ուստուպ – 1. աստիճան, սանդղավանդ, 2. սանդղաշարք (զինվորական)
ուվերտյուրա – նախերգանք, նախանվագ
ուտիլիտար – գործնական, օգտապաշտ 
ուտիլիտարիզմ – օգտապաշտություն
ուտյոչկա – արտահոսք, հոսք
Շարունակելի

0

0