Հասմիկ Սարգսյան. Ինձնից քաղած գույները

Posted On 15 Oct 2015

(Հիշողություն և իրողություն՝ Արթուր Օշականցու գրաֆիկաներից բխող)

Ինձնից քաղած գույները մի աշնան
կտավներին հանձնեցիր. շքեղորեն
փայլեցին ցուրտ պատերի մեջ ներփակված
օրերը. թուղթ, կտավ ու այլ բաներ
անփութորեն փռված են հիմա ուրիշի ոտքերի տակ,
իսկ ես վրձնահարվածով քսված կարմիրն եմ կտավներիդ,
սլաքումը՝ դեպի հղացումը,
կանաչը պտղավորման,
ազատ տարածքները՝ կապույտով լեցուն,
հեքիաթներն են, որ պատմեցիր ականջիս….
երբ օրերը տաքացան,
դու կորցրիր ինձ
անփույթ.
……………………………………………………………..
և հիմա
նոր աշուն է: