Հրաչուհի Փալանդուզյան. Գործածական բառացանկ 39

Սկիզբը՝ նախորդիվ

39.
կոլաժ – կցոնք, կցապատկեր, կցակերտվածք
կոլապս -փլուզում, կործանում
կոլբա – փորձանոթ, սրվակ
կոլեգա – գործընկեր, խաղընկեր, աշխատակից
կոլեգիա – վարչանի
կոլեկտիվ – աշխատակազմ, աշխատախումբ, խմբային, խմբով
կոլեկցիա – հավաքածու
կոլեկցիոներ – հավաքորդ
կոլիբրա – տրամաչափ
կոլիզիա – բախում
կոլտնտեսություն – հանրային տնտեսություն (համատնտեսություն) 
կոլորատուրային սոպրոնո – դայլայլ, գեղգեղաձայն
կոլորիտ – ոճ, գունագեղություն, յուրահատկություն, յուրակերպություն
կոլոքվիում – գիտազրույց, ուսումնազրույց
կոկարդ – գդականիշ
կոկետություն – սեթևեթանք, պչրանք, նազկտանք
կոկոս – հնդկընկույզ
կոկորդիլոս – խիթ, խույթ
կոհորտա – լեգեոնի 10-րդ մասը՝ լավագույնը, սերտախումբ
կոմա – մահաքուն, անգիտակից վիճակ
կոմբինացիա – միակցություն, զուգակցություն, համակցություն
կոմեդիա – կատակերգություն
կոմեդիանտ – 1. կատակերգակ, ծաղրածու, 2. կեղծավոր մարդ
կոմենդանտ – պարետ, բերդակալ, ամրոցապետ
կոմենտարիա – մեկնաբանություն, պարզաբանում, լուսաբանում
կոմետա – գիսաստղ
կոմերցիոն – առևտրային 
կոմիկ – կատակերգակ, կատակերգու, կատակաբան, զվարճաբան
կոմիսար – հանձնակատար 
կոմիտե, կոմիսիա – հանձնախումբ, հանձնաժողով
կոմյունիկե – ամփոփագիր, հայտարարագիր
կոմոդ – պահարան
կոմպակտ – խտաշար, սերտ, միաձույլ, պարփակ
կոմպենսացիա – փոխհատուցում
կոմպետենտ – իրազեկ, քաջատեղյակ, մտահասու, ձեռնհաս, իրավասու
կոմպիլյացիա – բանաքաղություն, գրաքաղություն 
կոմպլեկտ – լրակազմ, համակազմ
կոմպլեկցիա – մարմնակազմ, կազմվածք
կոմպլեմենտար – փոխլրացնող, հավասարակշռող, համակշռող
կոմպլեմենտարիզմ – համակշռություն
կոմպլեքս – 1. համալիր, համակառույց, 2. թերարժեքության բարդույթ
Շարունակելի 

0

0