Previous Story
Իվան Ահեղն ընդդեմ թուրքական ժխտողության. 16-րդ դարի ռուսական տարեգրությունը ևս փաստում է
Posted On 24 Apr 2015
Comment: 0
«Թուրքիան հայոց հողերի վրա է տարածվում. ռուսաստանցին Հայաստանին է նվիրել Իվան Ահեղի տարեգրությունը» վերնագրով հրապարակումը novostink.ru ռուսալեզու կայքի այցելուներին պատմում է.
Հողային տարածքների վրեաբերյալ հայերի պահանջները միանգամայն տեղին ու արդարացված են։ Այս մասին ապրիլի 23-ին Երևանում լրագրողներին հայտարարել է ռուսաստանցի ձեռնարկատեր Գերման Ստերլիգովը։ Ի հաստատումն՝ նա Երևանի պետհամալսարանին է նվիրել Իվան Ահեղի ձեռագիր տարեգրության պատճենը։
Սա եզակի նվեր է, քանի որ այս տարեգրքի առայժմ միակ ճշգրիտ պատճենահանումն է։ Այն ներառում է աշխարհի պատմությունը՝ հնագույն ժամանակներից մինչև Իվան Ահեղի իշխանության առաջին կեսը (1550–ական թթ.)։ Հայաստանն այնտեղ բազմիցս է հիշատակվում, ընդ որում՝ նկարագրելով տարածքներ, որոնք այսօրվա Հայաստանի Հանրապետության համեմատությամբ շատ ավելի հեռու են ձգվում։
–Այս տարեգրությամբ ցարերի զավակներին սովորեցրել են երկիր կառավարել։ Իսկ Իվան Ահեղի ժամանակներում պատմությունը կեղծելը, ինքներդ եք հասկանում, վտանգավոր բան էր։ Այնպես որ այն ամենը, ինչ այստեղ գրված է, հնարավոր չէ հավաստի չհամարել։ Թուրքիան այսօր զբաղեցնում է հայ ժողովրդի տարածքների մեծ մասը, տարածքներ, որոնք հայերին է ընծայել Աստված։ Սրա դեմ առարկել կարող են միայն մերկապարանոց կերպով և քաղաքական նկատառումներից ելնելով։ Իսկ երբ ի հայտ են գալիս աղբյուրները, նման բոլոր խոսակցությունները պապանձվում են»,–նշել է Ստերլիգովը։
Բանախոսը կազմակերպական աշխատանքներին նպաստելու համար իր երախտագիտությունն է հայտնել մոսկվացի իրավաբան Արթուր Հայրապետովին, ով նույնպես իրենց հետ Երևան է ժամանել։
–Ապրիլի 24–ին մենք անպայման կմասնակցենք սգո երթին,–հավելել է Գերման Ստելիգովը։
