«Աջակցենք սահմանամերձ բնակավայրերին» նախաձեռնությունը ամանորյա միջոցառումներ անցկացրեց

«Աջակցենք սահմանամերձ բնակավայրերին» նախաձեռնությունը դեկտեմբերի 20-21-ին ամանորյա միջոցառումներ անցկացրեց Նոյեմբերյանի սահմանամերձ Դովեղ և Բաղանիս գյուղերի երեխաների համար: Բաղանիս գյուղի միջոցառմանը միացավ նաև Ոսկեվանից մոտ 10 երեխա: Մոտ 300 երեխա մասնակից եղավ ամանորյա տոնական միջոցառմանը, որն անցավ շատ ջերմ մթնոլորտում: Երեխաները երգեցին, պարեցին, ուրախացան: «Պարենք Հայերեն» նախաձեռնության անդամները նրանց մի քանի ազգային պար սովորեցրին: Իսկ Ձյունանուշը, Ձմեռ պապն ու բեմական այլ կերպարներ օրը լցրին ամանորյա շնչով:

Միջոցառման ավարտին մասնակից երեխաներին նվերներ բաժանեցին Ձմեռ պապն ու Ձյունանուշը: Նախաձեռնությանը մեծ աջակցություն ցուցաբերեց «Կողբի գեղարվեստի դպրոցը», որտեղ էլ մենք գիշերեցինք: Միջոցառումները կայացան նախաձեռնության անդամների աշխատանքի, խմբի անդամների ներդրումների և դրամական աջակցության, ինչպես նաև շատ այլ մարդկանց օգնության շնորհիվ: Դեկտեմբերի 24-ին, կայացավ նախաձեռնության հերթական միջոցառումը: «Հայրենիքի դարպասներ» Հկ-ի առաջարկով և աջակցությամբ Մովսես գյուղից 21 երեխա այցելեց Երևան: Նրանք խաղացին «Նավապետ Քիդի» զվարճանքի կենտրոնում, այնուհետև այցելցին Մատենադարան և Հանրապետության հրապարակ:

Շնորհակալություն «Հայրենիքի դարպասներ» Հկ-ին, «Նավապեդ կիդսի» զվարճանքների կենտրոնի տնօրինությանը և Աջակցենք սահմանամերձ բնակավայրերին» անդամներին սա ևս կայացնելու համար: Այս ամենը ծառայում է մեկ նպատակի` ունենալ միասնական և ամուր պետություն, բարձր բարոյահոգեբանական կեցվածքով ինքնաճանաչ և հայրենաճանաչ հասարակություն: Մենք ուժեղ են միասին:

«Աջակցենք սահմանամերձ բնակավայրերին» նախաձեռնություն

0

0